قال أحدهم :

اسهل التعديل غلطــات الطباعه

واصعب التعـديل غلطات الطبايع

فقلت :

والوطن لوكنت خايف من ضياعه

لا تحط الصوت بيد انسان ضايع

قال المتنبي:

إذا ترحلت عن قـومٍ وقد قـدروا

ألا تفارقهــم فالراحلـــون هُـمُ

وقلت :

اللي على بـاب المجالس يِحَيِّيك

ولا قال خَلِّك وانت تنوي وداعه
شالَ الحَرَجْ اللي من سنين مِذِّيك

ذِلْ ومودة .. وجـاك عـز القطاعة

تحدث أحدهم عن النفاق فقلت :
إحذر أنت ولا يصيبك هالوبا

وعن محاسن طيبتك لا لا تتوب
الذكا يبغي مع الطيبة دها

وكل ضيقة وتالي الوقت وتذوب

بعث لي أحدهم بيت شعر للشاعر سعد بن جدلان وكان حوارنا عن الكويت جاء فيه:

زادت الحمى ورحنا للمداوي

والمداوي زود الحمى مليلة

فقلت :

ما كتبنا لغيرها حلو الغناوي

دارنا الكويت بالقلب و نشيله

ما يغني راعي القلب الخلاوي

والمعنى يبطي النـوم ويجي له

كل شيٍ دونها عندي متساوى

بالغلا والرخصِ كثرته وقليله

‏بعث لي الأخ الفاضل عبدالرحمن ناصر الفهيد العجمي بيتًا من الشعر

فقلت ردًا عليه :

لِبِّيت يا بن فهيد عالراس والعيـن

شكواك هـذي في وطنـا بلاها

إيدين تبني عالي السور وإيدين

تهدم وتخفي علِّة ٍ في حشاها

حنا معاكـم لآخر الدرب ماشين

عجْمان تكفي دعوة اللي دعاها

يوم المراجل ما خذوها بزارين

راكانها شمس الضيا في سماها

يالله تجزي من عطـا دارنا سنيـن

قال الشاعر/ باسل السميحيين :

راح الشباب وبين الشيب يا سعود

والعمر مقفــــــي بين حلوه ومره

اسمي تبدل يا فتى الجود بالعود

وما به زعل وعــــــزومنا مستمره

ان عدو الشجعان ...وان عدو الجود

تلقى لاسامينا مـع الدرب جره

وقلت :

حنا مشينا سكة ما بها سهود

ومهودها حَرَّة تجي فـوق حَرَّة

خلك على ضيقاتها صلب جلمود

رد على بيت قرأته للشاعر علي المسلم

قال :

ما عاد أنا بخايف ولا عاد أبا أهتم

وشفـايدة خـوفي والأيــام تجري

وقلت :

أهتم لي عَجَّتْ معي عيشتي غَـمْ

ولا عاد حـالي لباقي الخلق يطري

يومٍ تَرَكت الناس خالْ وبِني عـَمْ

سوقٍ تباع به العـداوات وأشري

يا مبدِّي الضحكة على كايد الهَـمْ

ما عـاد تكفي قولتـك كنت مدري

كتب أحدهم :

الذيب لو ذمـوه ما تفرسه شاة

والمدح ما خلى الحبارى قرانيــس

المدح ما حط الممــاليك سادات

ولاحط سرج الخيل فوق الجواميس

فقلت :

ولا تنفع الجهال كثر الشهادات

ولو كثروا منها الورق والقراطيس

الحق ما فاتك من الحق ما فات

ولو سندوا له من كثــير الابالـيس

قالوا :

لا تصدِّق الناس في هـرج ٍ يقولونه

الناس هـالوقت يا مَكْثَر مذاهبهـم

كم شخصٍ تلقـى بني عمه يسبونه

و إذا بدا اللازم أطلق من شواربهـم

فقلت :

مـا تاصل السب إلا عقول مجنونه

مخــافة الله ترهبنــا وترهبهـم

الهـرج سلعـة يجيبونـه ويبيعونه

وتبقى المعـاني عَصِيَّة عـن مطالبهم

إحذر عن السَّو لا يغريك ماعـونه

قالوا :

وإن طاح راسك فوق كفٍ بخيله

قل ما تضيق الارض بأهل الجمايل

أحيان شخص يحببك في قبيلة

وأحيان شخص يكرهك في قبايل

فقلت :

وإن كان ضاقت يالخوي ما يبيله

إنشد عن اللي دوم راعي الشمايل

ذاك الذي قلبه من الله دليلة

والخيل فيها عن بعضها أصايل

قيل :

لقد أسمعت إذ ناديت حياً .. ولكن لا حياة لمن تنادي

قلت :

لأن الأذن قد صُمّت بطبعٍ .. كذوبٍ يرتدي سترَ الحيادِ

قيل :

اكتبيني قصـايد وامسحيني حـروف

وانثريني مشــاعر واجمعيني غلا

فقلت :

وان بقى شي مني عينك اللي تشوف

قلبي اللي سكنته يالغضي ما خلا