قال الشاعر/ باسل السميحيين :
راح الشباب وبين الشيب يا سعود
والعمر مقفــــــي بين حلوه ومره
اسمي تبدل يا فتى الجود بالعود
وما به زعل وعــــــزومنا مستمره
ان عدو الشجعان ...وان عدو الجود
تلقى لاسامينا مـع الدرب جره
وقلت :
حنا مشينا سكة ما بها سهود
ومهودها حَرَّة تجي فـوق حَرَّة
خلك على ضيقاتها صلب جلمود
ولا ترتخي للي نوى فيـك شَرَّة
في طاعة الله ما نقضنا لنا عهود
نحيا ونفنى مــا نقضناه مرة