قال أحدهم :
انتي اجمل حلم عن عيني بعيد
ليت قلبي لو يشوفه ويسمعه
قلت :
كالمطر انتي تمنـيته يـزيد
والنصيب اللي يرده ويمنعه
أبنصحك وإخذ النصيحه مغطّاه
من دون ماتتعب ومن غير تشفير
كل شي لك ترضاه للغير إرضاه
وكل شي ماترضاه كفّه عن الغير
فقلت :
هذا الانـاني كل شي إيتغالاه
حتى النصيحه مالهـا فيه تأثيرلو إحترق هالكون والشر ما جاه
ما يلتفت للي جرى من مخاسير
كتب عوض القحطاني :
لا تحطم .. لو تحطم لك أمل
واعرف أن الله يحبك وابتسِم
لا تقول الحظ عمره ما كمل
قل أنا حاولت والله ماقِسَم
ولا تكـدر لو تأخر لك عمل
يقضي الله اللي بالغيب إنرسـَم
النجاح اللي يجي قبله فشل
إذكـر الله وقـل توكلـنا وسَـــمْ
ما عاد باقي لي من الناس غير انت
اعرف شعورك وأنت تعرف شعوري
أنت الـذي وياه والله مـا هـنـت
و أنت الغدير اللي سقى لي جذوري
قال البدر :
يالله يا مضوي الســما بالبروقي
ويا مخــرجٍ وبل السحـــابه من اللـــج
تمطرني برحمـتك وتفك عوقي
وتجعل لي من الضيق و الهم مخرج
يالله ياللي بالملـمات طــوقي
ياللي نصته الخلـق في موسم الحـج
تروي من الايمان ضامي عروقي
وتنـور القلب الذي بــك توهــج
قال أحدهم رأيًا فقلت :
يا مطير في قلبـي لكم باع و ذراع
وقلبي عليكم ما غفى بيـوم ساعه
مَحْنا مْنْ اللي يطلب الوِدْ لي ضاع
ولاحْنْا من اللي مَطْلُـبَه في ذراعه