جديد
يا هل الدوحة
قصائد عامية
قصائد عامية
يا هل الدوحة لكـم مني سلام
من هجير القيظ لي عقب المطر
ما يكفيني بكم عـذب الكلام
ولا القصايد لو بها كنوز الشعر
من صلاة الفجر لي وقت الظلام
غيركم ما مَـرِّ في البال وخَطَر
لا حشى ما غبتوا عن بالي حرام
مـا نسيت اللي لهــم فيني أثـَر
يا عسى الغرافة يسقيها الغَمَام
وينتثر مـايه بهـا عشب وزَهَـر
أكرمي مـن دارِ يسكنها الكرام
شعبها اللي حَـزَّة الحَـزَّة ظَهَر
بالمروَّة ترتقـون أعلى سَنَـام
وبالشجـاعة مـا تحملتـوا قَهَـر
يومها بلادي تعرَّضها الغَشَام
وإرتكت تبغيبكم عون وظَهَر
إنطلقتوا لأهلكـم صرتوا حزام
ولا عرفتوا دون فزعتنـا خطر
أمرحي يا دار بعيـونك سلام
وإقطفي من غالـي أفعـالك ثمَر
وأنعمي بالعـز في صدرك وِسَام
وإطلبي مجدك من الدنيا مَهـَر
يا سلام الله عليكم يا سلام
من يلـوم اللي تغنـى في قطر
يا هل الدوحة لكـم مني سلام
من هجير الصيف لي عقب المطر