تاريخ عمري
قصائد نبطية
قصائد نبطية
ما عِفْتِنــي مـن يــوم عمـرك ثلاثيــن
يـوم العمر وياك زاهـي خَضَـاره
وشلون أعافـك يـوم عمـرك ثمــانيـن
تَفْــدَاك دنيــا مــا عليهـــا خسـاره
أنت العـزيز اللي على الرأس والعين
وأنت الشباب اللي تِقَضَّى نهـاره
تاريــخ عمـري في عيـونك عنــاوين
يا ما تَـغَنَّتْ فيـه كَــْف العـذارى
عطنـي إيديـنك.. لا تحـاتي على وين
أنـا الطريـق اللـي يِدِلِّــك ْ مِسـارَه
كم قلـت لي لا تتعبــي ولا تـروحيــن
اللـي تبينـه مـا يِطُــول إنتظــاره
ويا مـا قطفت زهـــور وَرْدْ البسـاتين
وأهديتني مِسْكَ الخزامى سْـوَاره
أنت الذي شلت الحمل عني سنين
وأنت الذي نَــوَّر مشاريف داره
أنت الضيا وأنت البصر وأنت لَلْحِين
أغلـى من اللي بالغـلا ما يِبَـارَى
وأنت عليهـم تَــاجْ رُوسَ السـلاطيــن
وأنت الغَمَــامْ اللي تَعَلـىَّ مِــداره