نمر الورق
قصائد عامية
قصائد عامية
لا عــاد بـَه شِيمَــه ولا عــاد بـَه ذات
ولا عـــاد بَـه ذَرَّةْ خَجَــلْ أو بَعَضْهـا
ولا عــاد يجنـي فـي زمـانـه كبيـرات
وعهــود جِــدَّانْ السلـف جـد نِقَضْهَــا
أردى مـن البُــومَه على الفـار يقتـات
باس الأيادي ولي قضى اليوم عضها
نمر الورق يمشي مع الساس بسكات
ونفس الرِدِيِّ أقصى الدِّنِيَّـه غَرَضْها
فات الزمان اللي ضَحَكْ فيه جِدْ فات
وأيـــام عُمْــرَهْ مفلـس ٍ في عَوَضْهَـا
إضْرِبْ على الكـايد والأيام عسرات
هي دِبْــرَةْ الله في العبــاد وفَـرَضْهـا
أنتـــم لنــــا عِــلَّاتْـنَـــا والعــــداوات
وحنــا الدوا وعلاج خـافي مَرَضْهـا
الوقـت حَـزَّه ويلحَـقْ الوقـت حَـزَّات
وعَنْـكْ الزمن صافي الليالي نِفَضْها
عزك ترى وإن طال نزهة ومكشات
ومحدن حلـومه بالأمــاني قبضها
وما فات مِنِّـك بأول الوقت قد فـات
يا راية اللي شيـن فعلـه خفضهـا