ليت العرب
قصائد نبطية
قصائد نبطية
ليت العرب ما يِدِّعُـون العروبة
دام إننــا مـا بينهم مـا لنـا إعراب
صارت عروبتنا العزيزة إلعـوبَه
وبعروقنـا يسـري لها دم وأنســاب
في ظلمها كل ٍ بغى اللي ينـوبه
يرجي بها ماي ٍ من الغرب ينساب
وكِـْن العروبة في وطنا ذنوبه
نَلْحَـقْ أثرهــا كَنَّها جَـرَّة الــدَّاب
مـا كَنَّهَـا عِـْز الليــالي الهَيُوبَـة
ملبوسها الإســلام والكتــف عَــرَّاب
ولا كِنَّهَا شمسٍ الضحاوي الطُّرُوَبه
من عقب مـا كانت خلاقين وتـراب
الله بلانــا بالمقــادير حُــوبَه
وحنـا بِلِينَـا غيرنـا روس ورقــاب
والجامعه اللي عن فعلها مْغَصُوبَة
ما قط دعتنا عمـرها يــوم لإضراب
سبعين عــام وفاشلـه ومْغَلُـوبَة
واللي يِنُوقِـلْ هَرْجَةَ الكِذْبْ .. كَـذَّاب
تستنكر التهجير عيـن مْعَصُوبَة
وتَلْطُمْ على الخدين تحذير وإشجاب
هُمْ أسسوها قبـل عــام النِّكُوبَة
ولليـوم حنـا مـن وراهــا بسرداب
وذقـنا المذلـة نوبـة ٍ فـوق نوبـة
صهيون يرثـَعْ في بلدنـا بـلا حسـاب
لو كان يلقى من عربنا عـقوبة
أو كـان يلقـى بالرجاجيل حَـرَّاب
ما كان صرنا لأنجس الخلق طـُوبَه
بزرانهم تلعب بنـا رعـب وإرهـاب
يا حيف حنا مـا لنــا اللي نلـوبه
ما عندنـا مخلب ولا ضرسنا نـاب
نبغـي لنـا شهـم ٍ كثيرة(عيـوبه)
عينه على مسرى فلسطين ما غــاب
يا حالنـا اللي يِضْحِك اللي دروا به
ويبكي عيون ٍ خَضُّبَت ســود الأهـداب
هذا النتن ياهو طغـى في حـروبه
وقلب العروبه دون غـزة به صـواب