كويت الاحرار
قصائد نبطية
قصائد نبطية
غنيت لــك يا كــويت الاحــــرار
أحلـى القصيــد الـلي تحبـينــه
نجــــــم الهنــــا فــي ليلتك دوار
يرعــاك ربٍ تحـرسـك عينـه
والشعب غـنى لك معــي اشعــار
مِنْ حـب يجـري في شرايينـه
حـــب ٍ قـديــــم ومنبــعه فــوّار
فـي قلب شعـب ٍ تسكني عينه
حــنا فــداك ونرخـص الأعمار
والـلـي تبيـنـه بــس تـقـولينـه
وحنا الذرى لك في السموم الحار
لاجَتْ هبــوب القيــظ تلقـيـنه
يالديــرة ياللـي مــا لهـــا أعــذار
عُقْــب الثريــا نجمهـــا وينـه
وقـت ٍ مضى مــا جد مثلهــا دار
نـــور ٍ علـيــها الله يـا زينـه
اليــوم راحـــت كِنَّهــــا تـذكـــار
وعيـالهـــا الصغــار ناسينــه
وكبـارهم تدري وش اللي صار
وَنَّــــاتْ لكــن طَعْــن سِكِّينــه
نسمــع كثيــر ونرجـي الأخبــار
علــم ٍ جميــع النــاس باغينــه
قولـوا معي ياكبــارها و صغـار
يالله علـى التـوفيـــق تهديـنــا