جديد
المعصم الثابت
قصائد نبطية
قصائد نبطية
يا قلـبي اللي لايِــعَ الوقـت لاعَـــه
وياللي علــومـه بالمناشيـر تِكتَــب
حيرتنـي بيــن الرضـا والطمـاعـه
وخليـت فكـري للهـواجيس مَلعَـب
دارٍلنــا بـــوم ٍ رفعنـــا شــراعـه
وشيوخنـا شمسٍ لنـا كيـف تِحجَب
أنتــم لنـا وجـه الزمــان وشعــاعـه
وأنتم بنــا كَــف ٍ لنـا فيـه مَخْلــبْ
حنا لكـم وقـتَ الطمـان .. الرفـاعـه
وحنا لكم مع عالى الموج .. مَرْكَبْ
وحنا لكم وقت الحساب .. الشفـاعة
وحنا لكم لو ضَايَق الوقت.. مَرْحَبْ
وحنا لكم لو يعصي الوقت .. طاعة
تبقى ولو هي غالي الروح تَذهَـب
وإنتـم لنا معصم ثبت في ذراعـه
ولا عندنا عـن بعضنا كود مَهـرَب
ومــا فرقتنــا بالكـذوب الإشــاعـة
ولا جمعتنـا حـاجـةٍ دون مَطْلَـبْ
وأنتـم لكم شعرٍ يطيـب إستمـاعه
بيت ٍ لخو مريم له الشعب يِعْجَب
أنـا وشعبــي كلبــونا جمــاعة
الدين واحد والهدف أخدم الشعب
لو ضاق صدر الشعب ما أسْتَرْ ساعة
أضيق من ضيقه وأسْتَرْ لي حَـبْ
يا الله ترحـم مِـن حَفظنــا وْدَاعَــة
في وسـط عينه لـو علينــأ تَغَيَّـب
ويا الأمير اللي علينــا إتبــاعه
الشيخ مشعل للوطـن قـدتِزَهَّـب
راعه من اللي قد جرى يوم راعه
حي اليدين اللي على الحـق تَصْلَبْ
كم شاقنـا جمع الشمل في وداعه
وكم للشعب مما جرى اليوم مَكْسَبْ
كلـن ويبــدي مـا خفـى في طبــاعه
والشــوق عـن كـل المحاذير يغلِـبْ