الحشيمة
قصائد نبطية
قصائد نبطية
ياللي تعذربـني علي طيـب مابـي
وتبدي من الهَرج عني رواية
فيك الحشيـمة باقيـة ..ما نغـبي
ومنك الحشيمة لا بغينـا .. تهاية
كانة عطـاك من التـوافيق ربـي
ولاَّ عصمك من الخطا والغـواية
لا تدفع السيَّة علي جـال دربـي
وبالك تهوش إن كان مالك رماية
إما تصون المرجله وأنت قربي
وإلا تنعـــز لا تكثـــــر الحكـــــــايا
يا نار في قلبي أنا لا تشبي
ما عـاد لك غير الضلـوع وحشايا
والمِرْ تغلي به لواعيـج قلبي
وتغلي معه أوجاع صافي عنايا
يا روح خبي ما برى الحال خَبِّي
طرد العـواذل ما لقى له نهاية
لو أن دعوكِ للغثا لا تلبي
صبر المراجل كالوفا والهداية
ينـدي لهـم وقت الملمـات جنبي
وأفزع لهم مـا خانت النفس شاية
غاياتهـم صوب الصغيرات تدبي
ولا لي بهم ما حَـرَّم الله غايه
يا حمود صمتي صاير اليوم ذنبي
وغيري يشوف اليا حكينا خطايا